வர்த்தகமாகிப்போன கடவுள் வழிபாடு : பக்தர்களுக்கு சில கேள்விகள்

மனிதனுக்கு மீறிய ஒரு சக்தி இருப்பதாகவும் அதன் கருணையாலேயே உயிர்கள் ஒவ்வொன்றும் படைக்கப்பட்டு இயங்குகின்றன என்பது பெரும்பாலானோரின் எண்ணம் . அந்த கடவுளின் அருளை பெற கோவிலுக்கு சென்று வழிபடுகிறோம் .தவறில்லை.

கடவுளை பற்றிய மனிதர்களின் புரிதல் மிக தெளிவாக இருக்கின்றது , கடவுள் அனைவருக்கும் பொதுவானவர் , ஏழை பணக்காரன் என பார்க்கமாட்டார் ,நல்லது செய்தால் கைவிட மாட்டார் ,இருக்கும் இடத்திலிருந்தே கும்பிட்டாலும் அருளக்கூடியவர்  என பல எண்ணங்களை தங்களுக்கு உள்ளாக வைத்துள்ளனர் . 

எங்கே வருகின்றது பிரச்சனை :

கடவுளை பற்றிய இவ்வளவு தெளிவு இருந்தும் மனிதன் அதற்கு எதிர்மாறாகவே நடந்துகொள்கிறான் . ஆம் மக்களே ….

கடவுள் எங்கிருந்தாலும் அருள்புரிவார் என நம்பிவிட்டு 20 ரூபாய் டோக்கனில் அருகிலே சென்று தரிசிக்க கூட்டம் கூடுகிறதே , கடவுள் அனைவருக்கும் பொதுவானவர் என சொல்லிவிட்டு உன் கடவுள் என் கடவுள் என ஏற்றத்தாழ்வோடு அடித்துக்கொள்கிறோமே , நல்லது செய்தால் கைவிடமாட்டார் என நம்பிவிட்டு அநியாயங்களை செய்துவிட்டு உண்டியலில்  காணிக்கை செலுத்தி பாவத்தை போக்க வேண்டுகிறோமே , இருக்கும் இடதிலிருந்தே கும்பிட்டாலும் அருள்வார் என நம்பிவிட்டு சில கொள்ளையடிக்கும் கும்பல்கள் நடத்திடும் பூஜைகளுக்கு  பணம் கொடுத்து போகிறோமே …ஏன் ?

கொஞ்சம் யோசியுங்கள் மக்களே அனைத்தும் தற்போது வணிகமயமாகிவிட்டது . சிலர் பிழைப்பதற்காக உங்களது நம்பிக்கைகளையும் தாண்டிய ஒரு எண்ணத்தை உங்களிடம் தலைமுறை தலைமுறையாக விதைத்துக்கொண்டு இருக்கிறார்கள் .

உதாரணத்திற்கு திருப்பதி உண்டியலில் காணிக்கை செலுத்தினால் கிடைக்கும் புண்ணியம் மற்ற இடங்களில் உள்ள பெருமாள் கோயில்களில் கிடைக்காதாம்  … சிவராத்திரி இரவு ரோட்டோரமாக இருக்கும் சிவன் கோயிலில் தரிசித்தால் புண்ணியம் கிடைக்காதாம் காட்டை அழித்து ஈசா மையம் கட்டியுள்ள மடத்தில் உள்ள சிவன் சிலையை வழிபட்டால் கிடைக்குமாம் .

இதுமட்டுமல்ல நண்பர்களே இன்னும் பல எண்ணங்கள் நம் மனதில் விதைக்கப்பட்டிருக்கின்றன .

கடவுள் நம்பிக்கை கொள்ளுங்கள் தவறில்லை …மூடநம்பிக்கை கொள்ளாதீர்கள் அதுதான் தவறு .

கடவுளை பற்றிய சந்தேகமோ பின்பற்றப்படும் முறைகள் குறித்த கேள்விகளோ வந்தால் பயப்படாமல் எழுப்புங்கள் …உண்மையில் கடவுள் இருந்தால் அவரும் அதையே விரும்புவார் …உங்களை தண்டிக்க மாட்டார் …

ஈசா யோகா மையத்தில் நடந்த “ஈசனுடன் ஒரு இரவு ” நிகழ்ச்சியை பற்றி கேள்விப்பட்டிருப்பீர்கள் . அதற்காக அவர்கள் வாங்கிய கட்டண விவரங்கள் தெரியுமா உங்களுக்கு ….

இதோ இவைதான் ….நதிகளின் பெயரால் பண வேட்டையில் இறங்கியிருக்கிறது …

கங்கா – Rs 50,000
யமுனா -Rs 20,000
நர்மதா – Rs5000
கோதாவரி -Rs1000

காவிரி – Rs500

கட்டணம் குறைய குறைய சிவன் சிலையிலிருந்து தொலைவில் இடம் கிடைக்கும்

நீங்களே கூறுங்கள் இவ்வளவு செலவழித்து சென்ற கூட்டத்திற்கு கடவுள் அருள்புரிவாரா அல்லது சாலையின் ஓரமாக அமைந்துள்ள சிவன் கோவிலில் கும்பிட்டவருக்கு அருள் புரிவாரா ?

முடிவு உங்கள் மனதில் ….

இந்த பதிவு கடவுள் இருக்கிறாரா இல்லையா என்பதல்ல ….கடவுளை வழிபடும் முறை குறித்தும் , வணிகமயமாக்கப்படுவது குறித்தும் தான் …

உங்களுக்கு இதே கேள்விகள் எழுந்தால் பகிருங்கள் .

நன்றி

பாமரன் கருத்து