டென்மார்க் மகிழ்ச்சியான நாடாக இருப்பதன் அடிப்படை காரணம் இதுதானாம்
உண்மையான வாழ்நாள் என்பது நாம் எவ்வளவு நேரம் மகிழ்ச்சியோடு வாழ்கிறோம் என்பதே.
டென்மார்க் பெரும்பாலும் உலகின் மகிழ்ச்சியான நாடுகளில் ஒன்றாகக் கருதப்படுகிறது, எனவே உலக மக்கள் அனைவரும் தங்களது மனநிலையை மேம்படுத்துவதற்கான வழிமுறையை தெரிந்துகொள்ள டென்மார்க்கை கவனிப்பது அர்த்தமுள்ளதாக இருக்கிறது. டென்மார்க் மகிழ்ச்சியான நாடாக இருப்பதற்கு காரணங்கள் எத்தனையோ இருக்கலாம், ஆனால் அப்படியிருந்தும், அதன் மகிழ்ச்சிக்கு முக்கியமான ரகசியத்தைக் கற்றுக்கொள்வதன் மூலம் நாம் அனைவரும் பயனடையலாம். உலகளாவிய மகிழ்ச்சி நிபுணரும், தி இயர் ஆஃப் லிவிங் டேனிஷ்லி மற்றும் தி அட்லஸ் ஆஃப் ஹேப்பினஸின் ஆசிரியருமான ஹெலன் ரஸ்ஸல் டென்மார்க் மகிழ்ச்சிக்கான காரணத்தை ஆராய்ந்து ஒரு முடிவுக்கு வந்துள்ளார். அதுதான் “நம்பிக்கை”
நமது தமிழ்நாட்டில் கிராமமாக இருக்கட்டும் நகரமாக இருக்கட்டும் கேட் கதவை பூட்டாமல் நாம் இருக்கிறோமா? அப்படியே பல பூட்டுகள் இருந்தால் கூட நம்மால் நிம்மதியாக தூங்க முடிகிறதா? பெண்கள் விசயத்தில் பாதுகாப்பு சந்தேகம் இன்னும் மோசம். ஏன் இப்படி நாம் பல நேரங்களில் ஒருவித மன நெருக்கடியுடனேயே இருக்கிறோம்? சக மனிதர்களின் மீதான “நம்பிக்கையின்மை” தான் இதற்கு முக்கியக்காரணம். டென்மார்க் இதில்தான் வித்தியாசமாக இருக்கிறது. அது சக மனிதர்கள் மீதான நம்பிக்கையை வளர்த்தெடுத்துக்கொண்டே இருக்கிறது.
ஐக்கிய நாடுகளில் வளர்ந்து இப்போது டென்மார்க்கில் வசிக்கும் ரஸ்ஸல் கூறுகையில், “அந்நியர்கள் ஆபத்தானவர்கள்” என்ற பிரச்சாரத்திலேயே வளர்ந்தேன். ஆனால் டென்மார்க்கில், “நம்பிக்கை எப்பொழுதும் அதிகமாகவே இருந்து வருகிறது. குழந்தைகள் பிற மனிதர்களை நம்புவதற்கு கற்றுக்கொடுக்கப்படுகிறார்கள். உலகம் உண்மையில் நல்ல இடம், இங்கே நல்ல மனிதர்கள் வாழ்கிறார்கள். நீங்கள் நம்பிக்கையோடு அச்சமின்றி வாழலாம் என்பது டென்மார்க் மக்களுக்கு நிம்மதி அளிக்கிறது.” இது டென்மார்க் மக்களுக்கு பெரிய அளவிலான மகிழ்ச்சியை தருகிறது.
ரஸ்ஸல் டென்மார்க்கிற்குச் சென்றபோது, அங்கிருப்பவர்கள் ஒரு அந்நிய மனிதரை காணும் போது “மிகவும் நிதானமாகவும் ஆரோக்கியமாகவும் காணப்படுவதை அவர் உடனடியாகக் கவனித்தார். ஒரு அந்நியரை கண்டு விலகி ஓடாமல் அவர்கள் எப்போதும் போலவே செயல்படுகிறார்கள். அவர்கள் ஒன்றாக நின்று சாப்பிட, அல்லது பேச தங்கள் நேரத்தை எடுத்துக் கொண்டனர்,” என்று அவர் கூறுகிறார். இந்த தளர்வு உணர்வு டேனிஷ் அரசாங்கம் விரிவான பெற்றோர் விடுப்பு வழங்குவதன் விளைவாக இருக்கலாம், டேனிஷ் மக்கள் வெளியில் அதிக நேரம் செலவிடுகிறார்கள், மேலும் அவர்கள் தங்கள் வாழ்க்கையில் மக்களுடன் தொடர்புகொள்வதற்கு முன்னுரிமை அளிக்கிறார்கள், ரஸ்ஸல் கூறுகிறார்.
“நம்பிக்கை உங்களை மிகவும் பாதுகாப்பாக உணர வைக்கிறது மற்றும் தேவையற்ற மன அழுத்தத்தை சேமிக்கிறது. உங்களைச் சுற்றியுள்ளவர்களை நம்புவது அவர்களைச் சிறப்பாகச் செயல்பட வைக்கும், எனவே நம்பிக்கை ஒரு அற்புதமான விசயமாக மாறும். – ஹெலன் ரஸ்ஸல், உலகளாவிய மகிழ்ச்சி நிபுணர்
டென்மார்க்கின் வெளியுறவு அமைச்சகத்தின் கூற்றுப்படி, நம்பிக்கை என்பது டேனிஷ் கலாச்சாரத்தின் ஒரு மூலக்கல்லாகும், இது சகாக்கள் மற்றும் அரசாங்கம் மற்றும் அதன் அதிகாரிகளுக்கு விரிவடைகிறது. “ஐரோப்பிய ஒன்றியத்தில் டென்மார்க் ஊழல் குறைந்த நாடாகும், இங்குள்ள அரசியல்வாதிகள் தங்களை சாதாரண மனிதர்களாகக் கருதுகிறார்கள்: அணுகக்கூடியவர்களாக இருக்கிறார்கள், நியாயமானவர்ககளாக இருக்கிறார்கள். பெரும்பாலும் மக்களை மற்றும் நாட்டை நடத்துவதற்கு தங்களால் முடிந்ததைச் செய்கிறார்கள்.”
டேனிஷ் மக்கள் இணக்கமாகவும், தங்கள் வரிகளைச் செலுத்துவதற்கு விருப்பமானவர்களாகவும் இருப்பதற்கு “நம்பிக்கை” பெரிய காரணமாக இருக்கிறது. “பெரும்பாலான மக்கள் 50 சதவீத வரிகளைச் செலுத்துவதைப் பொருட்படுத்துவதில்லை, ஏனென்றால் அரசாங்கம் பணத்தை புத்திசாலித்தனமாகச் செலவழிக்கும் என்ற நம்பிக்கை உள்ளது மற்றும் அனைவரும் தங்கள் நியாயமான பங்களிப்பை வழங்குவார்கள் என்று நம்புகிறார்கள்” என்று ரஸ்ஸல் கூறுகிறார்.
டேனிஷ் அரசாங்கம் தனது குடிமக்களைப் பராமரிக்க நடவடிக்கை எடுப்பதால் (குடிமக்கள் அரசாங்கத்தை நம்புகிறார்கள்), உயிர்வாழ்வதற்காக அண்டை வீட்டார் தங்கள் வீட்டை கொள்ளையடிப்பார்கள் என்று டேனிஷ் மக்கள் பயப்படுவதில்லை, இது மேலும் நம்பிக்கையை எளிதாக்குகிறது என்று ரஸ்ஸல் கூறுகிறார். . 2019 ஆம் ஆண்டு நடத்தப்பட்ட ஆய்வில், ஆராய்ச்சியாளர்கள் பணப்பையை உலகெங்கிலும் உள்ள தெருக்களில் கைவிட்டு சோதனையிட்டதில் டென்மார்க்கில் 80% பணப்பை திரும்பியது கண்டறியப்பட்டது. மற்ற நாடுகளில் 10 சதவீத அளவிலேயே இது இருந்தது.
“யாரும் திருட மாட்டார்கள் என்ற நம்பிக்கை இருப்பதால், சில்லறை கடைகளுக்கு வெளியே துணிகள் மற்றும் காலணிகளை விட்டுச் செல்வதன் மூலம் டேன்ஸ்கள் ஒருவருக்கொருவர் நம்பிக்கையை வெளிப்படுத்துகிறார்கள்” என்று ரஸ்ஸல் கூறுகிறார். “டென்மார்க்கில் ஒரு பெண்ணாக ஒரு இரவுக்குப் பிறகு நீங்கள் வீட்டிற்குச் செல்லலாம் மற்றும் பாதுகாப்பாக உணரலாம், ஒன்பது வருடங்களில் கூட இதை நான் சாதாரணமாக எடுத்துக் கொள்ளவில்லை,” என்று அவர் மேலும் கூறுகிறார்.
சக மனிதர்களை நம்பக்கூடாது என்றே நம் குழந்தைகள் கற்பிக்கப்படுகிறார்கள். இதனையே கேட்டு வளரும் குழந்தைகளுக்கு எதிர்புறத்தில் வரக்கூடியவர்கள் அனைவருமே அந்நியர்களாகவும் தீயவர்களாகவும் தெரிகிறார்கள். இது ஒருவித பாதுகாப்பு இன்மையை அவர்களுக்கு ஏற்படுத்துகிறது. தேவையே இல்லாமல் ஒருவித மன அழுத்தத்தை அவர்களுக்கு இது கொடுக்கிறது. இது மிகவும் அபத்தம். ஆரோக்கியமற்ற செயல். இந்தக்கட்டுரையை படிக்கும் ஒவ்வொருவரும் தங்களது பிள்ளைகளுக்கு சக மனிதர்களை நம்புவதற்கு கற்றுக்கொடுங்கள். அதுவே நல்ல சமூகத்தை உருவாக்கிட உதவும். நமது மகிழ்ச்சியையும் கூட்டும்.
எங்களது கட்டுரைகளை நீங்கள் தவறாமல் படிக்க விரும்பினால் பேஸ்புக் பக்கத்தை லைக் செய்து பின்தொடருங்கள். கூறவே வாட்ஸ்ஆப் பட்டனை அழுத்தி எங்களுடைய குரூப்பில் இணைத்துக்கொண்டு பதிவுகளை பெறுங்கள்
