Crime at the age of 18 to 21 | 18 – 21 வயதில் கொலை கொள்ளையில் ஈடுபடும் இளைஞர்கள்? எங்கே போகிறோம் நாம் ?

அண்மையில் நடந்துவரும் குற்றவழக்குகளில் இளைஞர்களின் பங்கு அதிகரித்து வருகின்றது .

படித்த இளைஞர்களுக்கு தகுந்த வேலைவாய்ப்பு கிடைக்காமல் போகும்போது ஒருகட்டத்திற்குமேல் நிலைமையை சமாளிக்க முடியாமல் பணம் சம்பாதிப்பதற்கான அடுத்த வழிகளை தேடுகின்றனர் .

திருட்டு ,கொலையில் எளிமையாக விரைவாக அதிகமாக பணம் கிடைத்துவிடுவதால் சிலர் குற்றம் என்பதையெல்லாம் மறந்து அதனை செய்ய துணிந்து விடுகின்றனர் .

இன்றைய சூழ்நிலைகளை சில பெற்றோர்களும் சுற்றுபுறத்தவர்களும் உணர்ந்துகொள்ளாமல் படித்துவிட்டு வேலை கிடைக்காமல் இருக்கும் இளைஞர்களை வார்த்தைகளால் கொல்லுகின்றனர் .

கஷ்டகாலங்களில் உறுதுணையாக இருந்து நல்வழிப்படுத்தவேண்டிய குடும்பத்தார் கூட புரிந்துகொள்ள மறுப்பதால் இளைஞர்கள் இந்நிலைக்கு தள்ளப்படுகின்றனர் .

அன்றும் இன்றும் ஒரு திருட்டு நடக்கிறதென்றால் அதை யார் செய்திருப்பார் என்று போலீசாருக்கு தெரியும் . ஆனால் அவர்களே லஞ்சங்களை வாங்கிகொண்டு கண்டுகொள்ளாமல் விட்டுவிடுவதால் பலர் இன்று பயப்படாமல் திருடுகின்றனர் , குற்றங்களில் ஈடுபடுகின்றனர் .

முதல்முறை தவறு செய்யும் எண்ணம் வரும்போதே ஒரு அச்சம் வரும் . அந்த அச்சத்திலேயே தவறு செய்யாமல் இருந்துவிட்டால் தப்பித்துக்கொள்வீர்கள் இளைஞர்களே . ஒருவேளை அந்த தவறை செய்து அதில் உங்களுக்கு இன்பம் கிடைத்துவிட்டால் நீங்களே விரும்பினால் கூட அடுத்த முறை தவறு செய்வதை உங்களால் தடுக்க முடியாது .

வேலை கிடைக்காமல் போனதற்காக திருட்டில் கொலை கொள்ளையில் ஈடுபடுகிறேன் என்று கூறுவது சரியாகாது . ஒவ்வொருவரும் அவ்வாறு நினைத்துவிட்டால் என்னாகும் நினைத்துப்பாருங்கள் . ஆகையால் தொடர்ந்து முயற்சி செய்யுங்கள் …உங்களுக்கான வேலை நிச்சயம் இருக்கும் .

வழிதவறிவிட வேண்டாம் ! வாழ்க்கையை தொலைத்துவிட வேண்டாம் !

படியுங்கள் ! பகிருங்கள் !

நன்றி