இப்படி சொன்னது தாஜ்மஹாலை சுற்றிப்பார்க்க சென்ற யாரோ அல்ல . இந்தியாவின் ஆகப்பெரும் நீதிமன்றமான உச்சநீதிமன்றத்தின் நீதிபதிகள் மதன் பி லோகுர் , தீபக் குப்தா .

இந்தியாவின் மிகப்பெரிய சுற்றுலாத்தலமாக இருக்கக்கூடிய தாஜ்மஹால் சுற்றுபுற சூழலினாலும் அந்த பகுதியில் அதிகரித்திருக்கும் தொழிற்சாலைகளினாலும் காற்று மாசினாலும் தனது பொழிவை இழந்து வருவதாக பலரும் குற்றம் சாட்டினர் .

தாஜ்மஹாலின் அழகே அதன் மார்பிள்ஸ் எனப்படும் பளிங்கு கற்கள் தான் . அந்த வெண்ணிற பளிங்கு கற்கள் மாசினால் மஞ்சள் நிறமாகவும் பச்சை நிறமாகவும் மாறி வருவதே குற்றச்சாட்டு . இதற்கு சான்றும் இருக்கின்றது .

தாஜ்மகால் முறையாக பராமரிக்கப்படவில்லை , அதனால் இந்தியாவின் மிகப்பெரிய புராதன சின்னமாக இருக்கக்கூடிய தாஜ்மகால் தனது பொழிவை இழந்து அழிந்து வருகின்றது என சமூக ஆர்வலர் MC Mehta  (மேத்தா) என்பவர் உச்சநீதிமன்றத்தை நாடினார் .

அவரது வழக்கினை விசாரித்த நீதிமன்றம் பலமுறை தாஜ்மகாலை பாதுகாக்க வேண்டியது நம் ஒவ்வொருவரின் பொறுப்பு , அதற்கான நடவெடிக்கையை எடுங்கள் என உத்திரபிரதேச அரசிற்கு உத்தரவிட்டது . பலமுறை மத்திய அரசிடம் இதனை வலியுறுத்திவிட்டது . ஆனாலும் வழக்கம்போல தாஜ்மகாலை கண்டுகொள்ளாமல் இருந்து வருகின்றனர் .

நாங்கள் இவ்வளவு சொல்லியும் எதையும் செய்ய மத்திய அரசும் மாநில அரசும் முன்வராதபோது நாங்கள் ஏன் தாஜ்மகாலை மூட உத்தரவிடக்கூடாது என காட்டமாக தெரிவித்தனர் .

ஒன்று காப்பாற்ற நடவெடிக்கை எடுங்கள்  அல்லது நாங்கள் மூட உத்தரவிடுகிறோம் அல்லது இடித்து தள்ளுங்கள்

மேலும் அவர்கள் கூறிடும்போது , பாரிஸ் நகரில் இருக்கக்கூடிய ஈபிள் டவரை காண ஆண்டுக்கு 80 Million மக்கள் செல்கின்றனர் , அது சாதாரண டவர் . தாஜ்மஹாலோடு ஒப்பிட்டால் ஈபிள் டவர் ஒன்றுமேயில்லை . ஆனால் நாம் தாஜ்மகாலை முறையாக பராமரிக்காமல் இருந்து வருகின்றோம் . நாம் மட்டும் முறையாக தாஜ்மகாலை பராமரித்தால் அந்நிய செலவாணிக்கு கவலைப்படவே தேவையில்லை .

16 ஆம் நூற்றாண்டில் வாழ்ந்த முகலாய மன்னர் ஷாஜகான் தனது மனைவியான மும்தாஜ் மீது வைத்திருந்த காதலின் விளைவாக கட்டியது தான் தாஜ்மகால் . இன்றளவும் உலக மக்களின் காதல் சின்னமாக தாஜ்மகால் இருந்து வருகின்றது .

ஆற்றின் மறுபக்கம் கறுப்பு நிற பளிங்கால் மற்றொரு தாஜ்மகாலை கட்ட ஷாஜகான் நினைத்ததாக கூறப்படுகிறது (நல்ல வேளையாக கட்டவில்லை ) அவரது மகன்களுடன் ஏற்பட்ட மோதலில் அதனை கைவிட்டுவிட்டார் .

இந்த அழகிய தாஜ்மகாலை கட்டிமுடிக்க ஓவியர்களும் வல்லுனர்களும் 17 வருடங்கள் எடுத்துக்கொண்டார்கள்  .

இந்தியாவில் அதிகம்பேர் வருகின்ற சுற்றுலாத்தளம் .

தாஜ்மஹாலுக்கு தேவையான பொருள்களை சுமந்து செல்ல 1000 யானைகள் பயன்படுத்தப்பட்டனஇலங்கை , திபெத் , சீனா , இந்தியாவின் பல பகுதிகளில் இருந்து எடுத்துவரப்பட்ட 28 விதமான சிறந்த கற்களை கொண்டு உட்புறம்  அழகுபடுத்தப்பட்டு இருக்கின்றது .

பலமுறை ஆங்கிலேயரின் சுரண்டலுக்கு பின்னரும் பொழிவோடு இருக்கின்றது .

தாஜ்மகாலை வடிவமைத்தபோது அதன் செலவு 32 மில்லியன் . தற்போது இதேபோன்று கட்ட வேண்டும் என்றால் 1,062,834,098 USD க்கும் அதிகமாக செலவு செய்ய வெண்டுமாம் .

தினமும் 12000 க்கும் அதிகமான நபர்கள் தாஜ்மகாலை காண வருகிறார்கள்

 தாஜ்மகால் நேரத்திற்கு ஏற்றதுபோல வண்ணத்தை மாற்றிடும் இயல்பினை கொண்ட கற்களால் வடிவமைக்கப்பட்டு இருக்கின்றது . அதிகாலையில் பிங்க் நிறத்திலும் மாலையில் வெண்மையாகவும் நிலவின் சாயலில் தங்க நிறத்திலும் காட்சியளிக்கும்

முகலாயர்கள் கட்டியது என்பதாலோ அந்நியர் கட்டியது என்பதாலோ தாஜ்மகாலை புறக்கணிப்பது என்பது முற்றிலும் தவறானது , முட்டாள்தனமானது  .

20 ஆண்டுகளுக்கும் மேலாக தாஜ்மகாலை பாதுகாக்கவேண்டும் என்கிற கோரிக்கை இருந்துவந்தாலும் இன்னும் அதற்கு அரசு செவி சாய்க்காமல் இருப்பது கொடுமை , தவறு .

ஜூலை மாத முடிவில் இருந்து உச்சநீதிமன்றம் தினமும் வழக்கினை விசாரிக்க இருப்பது சிறப்பு .

பாமரன் கருத்து