தலையங்கம்

ஆன்லைன் ரம்மியில் அளவுக்கு அதிகமாக பணத்தை இழந்த பல இளைஞர்கள் தற்கொலை செய்துகொள்வது தொடர்கதையாகி வருகிறது. இப்போது, ராசிபுரம் அருகே உள்ள ஊரை சேர்ந்த சுரேஷ் என்கிற இளைஞர் தற்கொலை செய்து கொண்டுள்ளார். கடந்த அதிமுக ஆட்சியில் ஆன்லைன் சூதாட்டங்களுக்கு எதிரான தடை சட்டம் கொண்டுவரப்பட்டது. ஆனால், அது அவசர கதியில் போதிய காரணம் இன்றி கொண்டுவரப்பட்டுள்ளது என்ற வாதத்தை ஏற்ற சென்னை உயர்நீதிமன்றம் தடையை நீக்கியது. இப்போதைய திமுக அரசு, முன்னாள் நீதிபதி சந்துரு அவர்களின் தலைமையில் ஒரு குழு அமைத்து ஆன்லைன் ரம்மி உள்ளிட்ட விளையாட்டுகளுக்கு தடை விதிப்பது குறித்து ஆராய குழு அமைத்தது. அந்தக்குழு தனது அறிக்கையை கடந்த மாதம் சமர்ப்பித்துள்ள நிலையில் விரைவில் தடை சட்டம் வரும் என எதிர்பார்க்கலாம். ஆனால் அது மட்டுமே நிரந்தர தீர்வாக இருக்குமா என்பதை நாம் விரிவாக பேசுவோம்.

ஆங்கிலத்தில் “Copycat Suicide” என்று சொல்லப்படும் தொடர் தற்கொலைகளுக்கு பல சமயங்களில் மீடியா செய்திகளும் காரணமாக அமைவதாக மனநல வல்லுநர்கள் கூறுகிறார்கள். ஒரு செய்தியை செய்தியாக மட்டும் மீடியாக்கள் கடந்து செல்லும் போது இத்தகைய பாதிப்புகள் ஏற்படுவது இல்லை. மாறாக, ஒரு செய்தியை அளவுக்கு அதிகமாக முக்கியத்துவம் கொடுத்து ஒளிபரப்பும் போது தான் அத்தகைய சிக்கல்கள் எழுகின்றன.

மாநிலங்கள் அவைக்கு 12 நியமன பதவிகள் உள்ளன. கலை, இலக்கியம், விளையாட்டு உள்ளிட்ட துறைகளில் சிறந்து விளங்குகிறவர்களை குடியரசுத்தலைவர் நியமன எம்பியாக நியமனம் செய்திட அரசியல் சாசனம் அவருக்கு உரிமையை வழங்குகிறது. இவர்களது துறை அனுபவம் மற்றும் அறிவாற்றல், மாநிலங்களவையில் விவாதம் நடக்கும் போது உதவிகரமாக இருக்கும் என்ற நோக்கத்தில் தான் இந்த மாதிரியான நியமன எம்பி பதவி கொண்டுவரப்பட்டது. ஆனால், இந்தப்பதவியில் நியமிக்கப்படும் எம்பிக்களில் பலர் அவைக்கு வருவதே இல்லை. இது நிச்சயமாக கேள்விக்கு உட்படுத்த வேண்டிய விசயம் என்பதனால் நாம் இங்கே இது குறித்து விரிவாக பேச இருக்கிறோம்.

இசைஞானி இளையராஜா அவர்கள் மாநிலங்களவையில் நியமன உறுப்பினராக (MP) குடியரசுத்தலைவர் அவர்களால் நியமனம் செய்யப்பட்டுள்ளார். கடந்த சில வாரங்களுக்கு முன்பாக இளையராஜா அவர்கள் பிரதமர் நரேந்திர மோடி அவர்களை அம்பேத்கர் அவர்களோடு ஒப்பிட்டு பேசியது பெரும் விமர்சனத்திற்கு உள்ளான நிலையில் இந்த நியமன பதவி அவருக்கு வழங்கப்பட்டு இருப்பதும் சில விமர்சனங்களை பெற்று தந்துள்ளது. ஆனால், இது விமர்சனத்திற்கு உட்படுத்தப்பட வேண்டிய விசயமா அல்லது கடந்து செல்ல வேண்டிய விசயமா என்பதை நாம் விரிவாக பேசலாம்.

“அவர்கள் பெரிய கார்களில் வருவார்கள். எங்களை ஆசை தீர அனுபவிப்பார்கள். அவர்களின் சந்தோசத்தை கூட்ட எங்களை கடுமையாக அடிக்கவும் செய்வார்கள். அத்தனையும் செய்துவிட்டு எங்களுக்கு கொடுப்பதாக சொன்ன பணத்தையும் கொடுக்காமல் ஓடி விடுவார்கள். இந்த சூழலில், எங்களை தாக்கியதற்கோ அல்லது பணம் கொடுக்காமல் ஏமாற்றியதற்கோ காவல் நிலையத்தில் அவர்கள் மீது எங்களால் புகார் கொடுக்க முடியாது. காரணம், பாலியல் தொழில் செய்வது ஒரு குற்றமாக நம் சமூகத்தில் கருதப்படுகிறது” – பாலியல் தொழில் செய்யும் ஓர் பெண்மணி.