கண்ணதாசன் கவிதைகள்

நாதமெனும் கோவிலிலே

நாதமெனும் கோவிலிலே

ஞான விளக்கேற்றி வைத்தேன்

ஏற்றி வைத்த விளக்கினிலே

எண்ணை விட நீ கிடைத்தாய்…..

நாதமெனும் கோவிலிலே ……..

இசையும் எனக்கிசையும் தினம்

என் மனம் தான் அதில் அசையும்

கரமும் உந்தன் சிரமும் – நீ

அசைத்தாய் நான் இசைத்தேன்

விலையே எனக்கிலையே தினம்

வெறும் கதையானது கலையே

நிலையே சொல்லி உனையே – நான்

அழைத்தேன் உயிர் பிழைத்தேன்

இறைவன் என ஒருவன் எனது

இசையில் மயங்கிட வருவான்

ரசிகன் என்ற பெயரில் – இன்று

அவன் தான் உன்னைக் கொடுத்தான்