2ஜி அவிழும் உண்மைகள்
விலை : ரூ 200
எழுதியவர் : ஆ ராசா
புத்தகத்தின் பெயர் : 2G Avizhum Unmaikal 2ஜி அவிழும் உண்மைகள்
Book Name : 2G SAGA UNFOLDS (2ஜி சாகா அன்ஃபோல்ட்ஸ்)
எழுதியவர் : ஆ ராசா
Writer : A Raja
பதிப்பகம் : ஹர் ஆனந்த் பப்ளிகேஷன்ஸ்
Publisher : har anand publications
விலை : ரூ 200
Price : Rs 200
இந்திய அரசியலை புரட்டிப்போட்ட வழக்கு இரட்டை அலைக்கற்றை வழக்கு (2ஜி வழக்கு). இந்த வழக்கில் குற்றவாளிகளாக அப்போது மத்திய அமைச்சராக இருந்த ஆ ராசா, மற்றும் திமுகவின் மாநிலங்களவை உறுப்பினர் கனிமொழி மற்றும் பல இயக்குனர்கள் என வழக்கு தொடரப்பட்டது.
1.76 லட்சம் கோடி இந்திய அரசிற்கு இழப்பு என வெளியான சிஏஜி யின் அறிக்கை, நாடு முழுவதும் பேரலையாக வீசியது. இந்த அறிக்கையை வெளியிடும் போது அதன் இயக்குனராக இருந்தவர் வினோத் ராய். 1.76 லட்சம் கோடி இழப்பு என்பது ஊழல் என மாற்றப்பட்டு மக்கள் மனதில் பெரிய தாக்கத்தை ஏற்படுத்தியது. அதன் காரணமாக மத்தியில் ஆட்சியில் இருந்த காங்கிரஸ் ஆட்சியை இழந்தது, மாநிலத்தில் ஆட்சியில் இருந்த திமுக ஆட்சியை இழந்தது.
2ஜி அவிழும் உண்மைகள் புத்தகம் குறித்து நூலின் ஆசிரியர் ராசா…
ஆ.ராசா இந்த புத்தகம், தான் சிறையில் இருந்தபோது எழுதியதாகவும், தனது வாதத்தை எவரும் ஏற்காமல் போனதால் தானே தன்பக்க நியாயங்களை புத்தகமாக எழுத துவங்கியதாகவும் கூறியுள்ளார். மேலும் வினோத் ராய் தான் அனைத்துக்கும் காரணகர்த்தா என்று குற்றம்சாட்டிய ராசா, அவரை தீங்கிழைக்கும் எண்ணமுடையவர் என்றார். நஷ்டக் கணக்கை ஊதிப் பெரிதாக்கியதன் பின்னணியில் இருக்கும் அரசியல் சதியை விசாரிக்க வேண்டும் என ஆ.ராசா கூறியுள்ளார்.
இந்த புத்தகத்தை படிப்பதனால் இந்த வழக்கு எவ்வாறு திசை திருப்பப்பட்டது அதன் மூலமாக எவ்வாறு ஆட்சியையே மாற்ற முடிந்தது. நிர்வாக குறைபாடுகள் என்ன? விசாரனை அமைப்புகள் நடந்துகொண்ட விதம் என்ன? அரசியல் சூழ்ச்சிகள் என்ன ? கூட்டணி கட்சியான காங்கிரஸ் நடந்துகொண்ட விதம் என்ன? என்பது போன்ற பல சுவாரஸ்யமான விசயங்களை தொகுத்து கூறியுள்ளார்.
பாமரன் கருத்து