பணத்தை சேமிக்க ஒவ்வொருவருக்குமே ஆசை தான். அதில் இருக்கும் முதன்மையான சிக்கலே “துவங்குவது” தான். ஏதோ ஒருவகையில் நாம் பணத்தை சேமிக்க துவங்கிவிட்டோம் என்றால் அதுவே நம் பழக்கமாக மாறிவிடும். இதன் மூலமாக குறுகிய மற்றும் நீண்டகாலத்திற்கு தேவைப்படும் சேமிப்பை நம்மால் செய்திட முடியும். இங்கே கொடுக்கப்படும் சில வழிமுறைகள் பண சேமிப்பை செய்திட நினைப்போருக்கு சிறந்த வழிகாட்டியாக அமையும்.
1. உங்கள் செலவுகளை பதிவு செய்யுங்கள் | Record Your Expenses
பணத்தைச் சேமிக்கத் தொடங்குவதற்கான முதல் படி, நீங்கள் எவ்வளவு செலவு செய்கிறீர்கள் என்பதைக் கண்டுபிடிப்பதாகும். ஒரு மாதத்தில் உங்களின் அனைத்து செலவுகளையும் கண்காணித்துக் கொள்ளுங்கள்—அதாவது ஒவ்வொரு காபி, வீட்டுப் பொருட்கள் என எதுவொன்றையும் விடாமல் குறித்துக்கொள்ளுங்கள். உங்களது மொபைலிலேயே உங்களது ஒவ்வொரு செலவையும் குறித்து வைத்துக்கொள்ள பல ஆப்கள் இருக்கின்றன. நீங்கள் அவற்றில் ஏதேனும் ஒன்றினைக்கூட நீங்கள் பயன்படுத்தலாம்.
2. உங்கள் பட்ஜெட்டில் சேமிப்பைச் சேர்க்கவும் | Add savings in your budget
ஒரு மாதத்தில் நீங்கள் என்ன செலவழிக்கிறீர்கள் என்பது இப்போது உங்களுக்குத் தெரியும், நீங்கள் பட்ஜெட்டை உருவாக்கத் தொடங்கலாம். உங்களது வருமானமும் உங்களது செலவினமும் இப்போது உங்களுக்கு தெளிவாகத்தெரியும். இப்போது எந்த செலவை நீங்கள் கட்டுப்படுத்தலாம் என்பதை தீர்மானியுங்கள். உங்களது செலவினம் போக மீதம் இருக்கும் பணத்தை சேமிப்பு திட்டத்திற்காக ஒதுக்குங்கள். உங்கள் வருமானத்தில் 15 முதல் 20 சதவீதம் வரை உங்கள் சேமிப்பை அதிகரிக்க திட்டமிடுங்கள். வரவு அதிகரிக்க அதிகரிக்க உங்களது செலவினத்தை அதிகரிக்கலாம் சேமிப்பை அதிகரியுங்கள்.
Personal Finance இல் சிறந்து விளங்கி உங்கள் குடும்பத்தை உயர்த்துவது எப்படி?
3. செலவைக் குறைக்க வழிகளைக் கண்டறியவும் | Find ways to cut spend
நீங்கள் விரும்பும் அளவுக்குச் சேமிக்க முடியாவிட்டால், அது செலவுகளைக் குறைக்க வேண்டிய நேரமாக இருக்கலாம். நீங்கள் குறைவாகச் செலவழிக்கக்கூடிய பொழுதுபோக்கு மற்றும் உணவருந்துதல் போன்ற தேவையற்றவற்றைக் கண்டறியவும். உங்கள் கார் காப்பீடு அல்லது செல்போன் திட்டம் போன்ற உங்கள் நிலையான மாதாந்திரச் செலவுகளில் சேமிப்பதற்கான வழிகளைத் தேடுங்கள். ஒரு பேருந்து பயணத்திற்கு நாம் டிக்கெட் புக் செய்திடுகிறோம் எனில் கொஞ்சம் தேடல்களை நாம் மேற்கொண்டால் நல்ல ஆபர் வழங்கும் தளத்தில் குறைந்தது 100 முதல் 200 வரைக்கும் குறைவாக அதே டிக்கெட்டை பதிவு செய்திட முடியும். இதுபோன்று ஒவ்வொரு விசயத்திலும் நாம் சேமிக்க முடியும்.
4. சேமிப்பு இலக்குகளை அமைக்கவும் | Set Savings Goal
பணத்தைச் சேமிப்பதற்கான சிறந்த வழிகளில் ஒன்று இலக்கை நிர்ணயிப்பது. குறுகிய காலத்தில் (ஒன்று முதல் மூன்று ஆண்டுகள் வரை) மற்றும் நீண்ட காலத்திற்கு (நான்கு அல்லது அதற்கு மேற்பட்ட ஆண்டுகள்) நீங்கள் எவ்வளவு சேமிக்க விரும்புகிறீர்கள் என்பதைப் பற்றி முடிவெடுங்கள். உங்களுக்கு எவ்வளவு பணம் தேவைப்படும் என்பதையும், அதைச் சேமிக்க எவ்வளவு நேரம் ஆகும் என்பதையும் மதிப்பிடுங்கள். நீங்கள் இதற்காக உண்டியலில் பணம் போட்டோ அல்லது தனியாக வங்கிக்கு சென்று மாத மாதம் பணம் செலுத்தியோ சேமிக்க வேண்டிய அவசியம் இல்லை. ஒவ்வொரு வங்கியும் RD, FD போன்றவற்றை தங்களது ஆப்களிலேயே வழங்குகின்றன. அவற்றை நீங்கள் பயன்படுத்தலாம்.
5. உங்கள் சேமிப்புகள் அதிகரிப்பதை பாருங்கள் | Watch Your Savings
உங்கள் பட்ஜெட்டை சரிபார்த்து ஒவ்வொரு மாதமும் உங்கள் சேமிப்பு அதிகரிப்பதை பார்க்கவும். இது உங்களை சேமிப்பை நோக்கி ஈர்ப்பதோடு மட்டுமல்லாமல், சிக்கல்களைக் கண்டறிந்து நீங்கள் சேமிப்பதை இது ஊக்குவிக்கும். மேலும், நீங்கள் நல்ல திட்டங்களில் தான் முதலீடு செய்கிறீர்களா என்பதையும் தற்போது உள்ள திட்டத்திற்கு மாற்றாக வேறு நல்ல திட்டங்கள் இருக்கின்றனவா என்பதையும் அவ்வப்போது தேடுங்கள்.
அடுத்தவரது பணத்தை திருடிக்கொள்வது தான் தவறு. மற்றபடி சிக்கனமாக நாம் சம்பாதிக்கும் பணத்தை எதிர்கால நலனுக்காக சேமித்து வைப்பது என்பது புத்திசாலித்தனம். அதனை ஒவ்வொருவரும் செய்தால் இக்காட்டான சூழலிலும் நம்மால் நிம்மதியாக வாழ முடியும்.
பங்குச்சந்தை பற்றிய அறிய சூப்பர் புத்தகம் : அள்ள அள்ளப் பணம் – சோம.வள்ளியப்பன்
எங்களது கட்டுரைகளை நீங்கள் தவறாமல் படிக்க விரும்பினால் பேஸ்புக் பக்கத்தை லைக் செய்து பின்தொடருங்கள். கூறவே வாட்ஸ்ஆப் பட்டனை அழுத்தி எங்களுடைய குரூப்பில் இணைத்துக்கொண்டு பதிவுகளை பெறுங்கள்
